O podcast recupera forças e quita quase dentro de prazo o episódio dedicado a Novinhas e Bruxas. Umha verdadeira façanha, se considerarmos os graves problemas de agenda que arrastamos esta temporada.
Qual coventículo de bruxas, os quatro elementos maldeolhers invocam criticamente este já clássico dos anos 90 e o resultado nom é demasiado favorável ao filme. O fundamental é que a mensagem de empoderamento feminino fica um pouco estragada polo conflicto entre as novinhas do conciliábulo. Também se observa com ceticismo um terceiro acto um pouco atrapalhado.
Para surpresa geral, Vampirineda abandona o seu habitual espírito hater e mostra-se favorável nom apenas a The Craft de 1996, senom também ao refrit de 2020; do que dá umhas pinceladas para concluir que as suas responsáveis tampouco merecem a fogueira onde forom enviadas pola crítica. Esta a se tornar mole com os anos? Ou é que depois de Top Gun: Maverick e Everything, everywhere, all at once já tudo lhe parece bem?
Falamos da sua miopia, da wika, dos Óscars, da saudade dos 90 e reivindica-se a figura de Amando de Ossorio. Para o próximo episódio, conheceremos o resultado do enfrentamento entre Angst e Men behind the sun; quer dizer, saberemos finalmente qual é o hype da temporada! Também aproveitaremos para trazer George A. Romero pola primeira vez ao podcast, já que falaremos de Creepshow. Por Manon, nom o perdam!
RECOMENDAÇOM
The Fog (1980)
Inside job (série, 2021)
Et mourir de plaisir (1960)
Everything, everywhere, all at once (2022)
Motivos visuales en el cine (livro, 2016)
MEH
Jeepers creepers (2001)
Scream VI (2023)
PREVENÇOM
Old (2021)
Podes ouvir o episódio em todos estes sítios
Boas Maldeolhers, hoje na secçom de Odilo, o açoute de malDeOlho, falarase da miopía de Vampirineda.
Pois sim, temos que abrir este melom! Um homem ocupado coma mim, que religiosamente escreve esta excelsa secçom. Quiçá umha obra que passará aos anais da historia!! DESSAS QUE SE ESTURARAM NOS LICEUS!! EL VIYI NENO!!!!
Pois bem… acho umha desconsideraçom que SÓ Sarmila, saiba ler de maneira apropriada colocando todas as letras no seu devido lugar.
Por este motivo, decláron-me em grêve!! Hoje Non haverá dicionario Maldeolher, nem Ghato ou Cam, nem falarei de creepshow.
Unicamente comentarei que todo aponta que o filme ganhador do hype deste ano vai ser “Hei Tai Yang 731”, também conhecida polos colaboracionistas como “Men Behind the Sun”. Normal!! FUM EU QUEM A RECOMENDOU!!
Ademais, farei também umha pequena oda a Sarmila Díaz, único componhetes deste podcast que merece o meu respeito e admiraçom.
(ler com voz épica)
Ohh Sarmila Sarmila!!
Violenta lingua áceda falangulheira
ser cuase merecedor dumha secçom!
Nocturno feitizo sonoro
que abraza e penetra nas mentes escoitantes.
Mágoa de monogamia!
Doce crítica alentadora.
Aproveito para transmitir a Sarmila os meus melhores desejos na plataforma que está a montar. Eu som mais de apoiar a forças galegas, mas se Sumar ajuda em algo a romper Espanha (cousa que nom creio) estas no meu barco.
Até a próxima secçom maldeolhers! E lembrai: Ide votar ou plantai lume as cousas, mas nom fiquedes na casa, os fachos nom o fam.