Chega o novo capítulo do podcast que podes escuitar na ressaca de Sam Joam depois dumha extraordinária festa no teu Centro Social de referência, se fores umha pessoa decente; ou mentres guardas a tua parcela nessa incompreensível privatizaçom das praias do Orçám ou Riazor, se fores um punheteiro neoliberal. Esta vez, falamos de Black Hole, a banda desenhada e a adaptaçom a curta.
A gente maldeolher ama a novela gráfica (ou comic, ou banda desenhada…) e ama um pouco menos a curta. Hai debate sobre a dificuldade das adaptações e sobre os simbolismos, principalmente sexuais, do relato.
Estamos diante dumha história dramática, de amadurecimento, com importantes elementos de terror corporal. Umha maravilha. Falamos de incels, do que significa fazer-se adulto e da adolescência, apesar de que a Vampirineda esta última fase lhe está a quedar cada vez mais longe…
Concluimos falando de Satoshi Kon, de Alan Moore, de Nicolas Cage e de todos os capítulos de Black Mirror entre o sofrimento de Churitético, que teme um spoiler em qualquer momento.
Para o próximo, falaremos das nossas curtas de terror favoritas. Quais som as vossas?
RECOMENDAÇOM
Torso (banda desenhada, 2000)
Renfield (2023)
海帰線; Kaikisen (“Regresso ao mar”, banda desenhada, 1990)
Comics and Sequential Art (ensaio, 1985)
MEH
Color out of space (2019)
Black Mirror, temporada 6 (série, 2023)
PREVENÇOM
From (série, 2022)
Brooklyn 45 (2023)
Boas Maldeolhers, hoje na secçom de Odilo despidirémonos desta tempada.
Sentindo este prematuro feche de temapada e com muita Angst pola minha parte, Odilo di adeus á quarta ediçom de Mal de Olho. A partir de agora as obrigas estivais nom me permitiram escrever mais secçons, polo que já vou fechando a persiana e digo até a próxima.
Nom tenho mais que boas palavras para o quarteto maldeolher e aguardo que o podcast dure como mínimo o mesmo que ouro famoso quarteto mui querido na nosa terra, Boney M. (com isto nom quero dizer duredes até que morra alguém)
Mas isto nom poderia rematar sem um… GHATO OU CAM!
Que é melhor Mal de Olho ou outro falangulho á vosa escolha? No caso de ser Mal de Olho Argumentar porqué, no caso de ser outro falangulho fazer algo de promo (obviamente este Ghato ou cam é um pouco seçcom de recomendaçons).
Até a próxima secçom maldeolhers! E lembrai: borroka da bide bakarra eta zinemak patua erakusten du