Special guest star: Sara Calvete.
Ok. Regressamos à longa duraçom. Mas temos poderosos motivos. O principal é a visita da realizadora montealtesa Sara Calvete, com quem mantivemos umha interessantíssima conversa sobre temas substantivos concernentes à presença da mulher no género de terror. É o que somos agora: elevated podcast.
Como principal novidade deste especial, nom tratamos de um filme ou de um grupo de títulos ligados a umha temática, senom que repassamos com ela os diferentes cortes ou modos de representar a violência no terror e como as realizadoras emergentes se aproximam a esta temática.
Além disso, falamos do psicopata como puritano ou “vingador do código Hays”, comprometido com a puniçom das condutas desviantes, especialmente entre as mulheres jovens.
Tratamos também das diferentes representações das mulheres no género, observando com atençom como a “final girl” que antes sobrevivia graças às suas “virtudes morais”, hoje vence colaborando com as suas congéneres na derrota da ameaça patriarcal mercê à incorporaçom no terror da perspetiva feminina.
E falamos do giallo, do fantaterror, do slasher, do elevated horror e… Bom, falamos de todo um pouco num dos programas mais amenos que já gravamos. Esperamos que regresse aginha a esta festa da mangueira que é Mal de Olho.
RCOMENDAÇOM
Rabid (2019)
Les yeux sans visage (1960)
La matanza caníbal de los garrulos lisérgicos (1993)