Level 16

Edita-se finalmente o episódio 11 da temporada 4 dedicado ao filme desconhecido Level 16. Um episódio que devido ao Canadá e ao beef de cantares de cego entre Odilo e Sarmila bem poderia chamar-se Mal de Olho: o musical.

Podes ouvir também por aqui


O filme nom entusiasma nada e fica num pouco convencido MEH. História de rapazas em clausura que descobrem que viviam numha ilusom e claro, intentam fugir dum suspeitoso orfanato subterrâneo e panôptico. Destacam-se alguns aspetos técnicos como a fotografia.

Miguel do Caixão errou dous niveis e volveu miguelar. Assim que nos falará dum filme completamente diferente. Ademais demostra que o seu é o metal, e nom o folk…

Além de avançar-nos a Boyanka e Hugo, mostramos o nosso amor por Franju, divagamos sobre Ari Aster ou Nicolas Cage, e acabamos sendo umha das principais ameaças ao status quo canadense junto com o independentismo quebequês.

Para o próximo programa trazemos umha curta, Black Hole, que em realidade é umha escusa para falar dumha das melhores novelas gráficas de sempre. Acompanhem-nos nesse mundo sinistro de Charles Burns.

RECOMENDAÇOM
Beau is afraid (2023)
Renfield (2023)
The hunger (1983)
Hellraiser (2022)
Men (2022)

MEH
Evil Dead: Rise (2023)
The Boy (2016)

PREVENÇOM
Mallorca zombie (2009)

One thought on “Level 16

  1. Boas Maldeolhers, hoje na secçom de Odilo voltaremos á nossa dinamica habitual, deixaremos de cantar e tocaremos a atualidade maldeolher.

    (A partir de agora ler todo de forma mui sensacionalista)

    Como o último escándalo falangulheiro! Exato!! Estou a falar de quando Sarmila chamou “Ghelipolhas” a Vampirineda. Que está a passar em Mal de Olho? Há umha fratura interna? Algumhas fontes falam de que realmente existe um odio entre as componhentes do nosso podcast favorito. Parece ser que isto dévese a nom posuír em exclusiva o único alcume vampírico do podcast. Outras fontes simplesmente indicam que é umha reaçom totalmente normal, já que Pineda “vai provocando” dizendo que nom gosta de “the Changeling” ou de “What we do in the shadows” e que “desta maneira é impossivel fazer um programa”.

    A actualidade manda!! Por isso temos que falar da sorpendente transformaçom de Churitético e a caída aos infernos de Miguel do caixao. O primeiro passou de traer “Killer Klowns from Outer Space” (no te lo perdonaré nunca Churi) a “Next of kin”. Sem dúvida, um notável filme o qual Odilo tivo que ver, mui ao seu pesar, dobrado. O mesmo Odilo declarou: “O sotaque autraliano nom há quem o entenda”, acto seguido marchou da rolda de imprensa e fechou a porta cum forte golpe. Por outro lado, como comentábamos, o descenso os infernos de Miguel é infinito. Cae e cae sem parar, os maldeolhers perguntan-se “que será o seguinte vai traer “The Avengers”? Um filme de medo sem dúvida!”. Ademias, preocupa o seu distanciamento co resto do grupo. Já nem sequera ve os mesmos filmes que o resto!!!

    Por último, também é fundamental falar da ultima crítica de Odilo em “cahiers du cinema”, na que pom em valor a ópera prima de “Danishka Esterhazy”. Indicando: “Bom trabalho da autora canadense, nunca com tam pouco puido fazer-se tanto. Filme esquencido ao que nom chegaria se nom fosse pola minha boa amiga literata e libertaria Sarmila”.

    Pois bem con isto remata o salseo por hoje!! Nom sem falar antes dumha nova entrega do…

    DICIONARIO MDO (ler moi forte!)

    Ghelipolhas: Adj. Neutro. No argot cinematográfico, dícese quando umha pessoa cita a outra qualificandoa de pouco ilustrada ou por ter opinións pouco sólidas e volúveis. P.e. “Tu es Ghelipolhas Pineda. Como gostas disto e nom do “cangueling?”

    Até a próxima secçom maldeolhers! E lembrai: Quedai-vos com alguém que vos cante como canta Sarmila em Mal de Olho.

Deixe uma resposta

O seu endereço de email não será publicado. Campos obrigatórios marcados com *

*