Por problemas informáticos ou, como diriam os boomers, com o ordenata; o episódio segundo desta terceira temporada sai com umha certa demora. Pedimos desculpas. Nesta ocasiom, volvem florescer as contradições do nosso grupelho podcaster com motivo de End of Days (1999), primeira vez que se comenta no programa um filme de “Schwazy”.
Trata-se de umha produçom finais do “milénio” (“entre aspas”) próxima aos thrillers da década e a algum outro filme de temática apocalíptica e satânica. O conjunto é um equilíbrio complexo de açom e terror que gera bastante polémica em Mal de Olho, na hora de valoriza-lo.
Miguel interpreta um fervoroso advogado da defesa e assinala o entretenimento da proposta, as cenas de açom bem executadas, e a atuaçom de Gabriel Byrne no papel do diabo (doravante, “Seitam”). Pineda e Churi fiscalizam sem piedade esta fita noventeira recriminando que nom é terror, o escasso talento de Schwarzenegger, os buracos no enredo ou a actuaçom de Gabriel Byrne no papel do diabo (doravante, “Seitam”).
Seja como for, adquirimos certos vícios do especial Sitges e nom somos quem de acabar o programa com umha duraçom adequada ou num estado decente. Prometemos melhorar com o próximo episódio dedicado a Halloween 2. Nom o de Rob Zombie, nem o de David Gordon Green, senom aquele de 1981 que Pineda nom duvida de qualificar de “o bom”. Feliz Samaim com atrasso!
RECOMENDAÇOM
The Perfection (2018)
Midnight Mass (série, 2021)
Princípio, meio e fim (série, 2021)
Kingdom (série, 2019)
Mare of Easttown (série 2021)
I onde dager (2021)
MEH
Don’t Breath 2 (2021)
PREVENÇOM
Shook (2021)
Brain Damage (1988)*